Kuhhu' sumanga' pole pahaja. Salama' sitammu lako mentu'na kasahapuam. Salama' mentama Website Basa Bambam.
Mesa ongeam mala diongei silambi' anna sipa'tula' mesa soala mesa umpake basa Bambam.
Illaam inde website mala tau umbata Battakada Debata, umbata sanaka-sanaka tulasam tomatua anna tiolo-olo, umpehinggii penaniam, umpetua' video, anna budapi senga'na mala dipogau'. Inggana ia too mala dihinggi anna dibata umpake basata "Basa Bambam".
Suha' Maseho ia too mesa suha' si nabata mentu'na to matappa' lako Puang Yesus lako simesa-mesa ongeam illaam inde lino. Suha Maseho illaam basa Bambam mala deem aka pa'kamasena Puang Allataala muolai mentu' sabua'na anna umma'na lako buda ongeam, lambi' mala nakähä Tim Penerjemah basa Bambam to natuho Puang Allataala. Pengkähänganna Tim Penerjemah umpalutama basa Bambam tungka basana Suha' Maseho.
Felem tulasam diona Puang Yesus to diaala illaam mai Kaheba Katilallasam natuli' Lukas dipapia anna dipalutama ma'hupa-hupa basa illaam inde lino. Felem ia too deemmi duka' illaam basa Bambam. Illaam inde laman deem dipatoka felem tulasam diona Puang Yesus situhu' Kaheba Katilallasam natuli' Lukas illaam basa Bambam.
Penaniam illaam basa Bambam, napenaniam to Bambam illaam simesa-mesa jumaa' illaam paluäna Bambam. Illaam inde website kipatoka sanaka-naka penaniam basa Bambam illaam format audio. Inde penaniam si diputa' duka' muolai stasiun hadiona to Bambam, sidiuaam Radio Ballo Mamase (RBM).
Ma'tiolo-olo, ia too mesa kabiasaanna to Bambam. Tappana tuttuam tipadende lino, iya tuttuam kuhämmi diona tiolo-olo anna to ma'tiolo-olo, lambi' kamala tä'um ia deem si uhhingngi tiolo-olo to mangnguha tentomai. Deem sanaka-naka tiolo-olo dipasadia illaam inde laman. Batai Sitahhu'na..
Illaam paluäna Bambam deem sahhupa basa "basa Bambam", sapo' pantam oni anna pantam pessubungam pudu' lako simesa-mesa tondä'. Iam too anna dipahalluammi la deem mesa gahi' la dipehhondoi pada-pada untuli' basa Bambam. Nasuhum ditono' mesa pehhondoam la mepatette untuli' anna umpassubum dio pudu' basa Bambam. Batai Sitahhu'na..
Kaheba katillallasam sitonda gamba'. Napapia Tim Penerjemah Basa Bambam sola Lembaga Alkitab Indonesia (LAI). Dipapia la mendadi tamba’ lako änä’- änä’ passikola minggu anna malai tutuam napohäe umbata Battakada Debata.
